Maiatzaren 18an Museoen Nazioarteko Eguna ospatuko da.
Horregatik, Bizkaiko 19 museok jarduera egitarau oparoa eskainiko dizkiete
beren bisitariei. Besteak beste, gidatutako bisitaldiak, tailerrak, jolasak eta
erakusketak, kontzertuak eta adin guztietarako dohaineko sarrerak.
Programatutako jarduerak maiatzaren 17an hasiko dira, "Museoen Gaua"
jardunaldiarekin.
"Bildumek konexioak sortzen dituzte" leloarekin, ICOM museoen
nazioarteko erakundeak edizio honetarako proposatua, Bizkaiko Foru Aldundiak
zenbait jarduera aurkeztu ditu, ospakizunarekin bat egin duten Bizkaiko
museoetan prestatuak. Bizkaiko 19 museok: Bilbo, Abanto-Zierbena, Gallarta,
Bakio, Balmaseda, Galdames, Gernika-Lumo, Kortezubi, Leioa, Muskiz,
Portugalete, Sopuerta eta Ziortza-Bolibar, bat egin dute ekimen honekin eta
dohaineko jarduera piloa antolatu dute maiatzaren 17 eta 18rako.
Adibidez, Arkeologi Museoan, “Museoen
Nazioarteko Eguna 2014” ospatzeko antolatu dituzten ekintzetan parte
hartzeko gonbidapena egiten digute. Hauek, maiatzaren 17an eta 18an aurrera
eramango dira.
iruzkinik ez:
Argitaratu iruzkina