Duela hiru urte Durangoko Berbaro elkarteak sortu zuen ekimana da “Euskarak 365 egun”, Euskararen Nazioarteko Egunaren (abenduaren 3aren) bueltan sortutako ekimena. Durangon sortutako ekimena iaz Euskal Herri osora zabaldu genuen Euskaltzaleen Topagunetik (Euskal Herri osoko 90 euskaltzaleen elkarte biltzen dituen mugimendutik) eta aurten hedatzen jarraitu nahi dugu.
Hiru oinarri izango ditu ekimenak:
- Euskaltzaleon urte osoko lanaren eta konpromisoaren agerpena.
- Euskaltzale guztiei deia egitea komunitatea handitzeko eta trinkotzeko.
- Euskararen eta euskaltzaleon presentzia handitzea plazan (kalean, hedabideetan,..)
Aurten ere “Euskarak 365 egun” izango da abenduaren 3an erabiliko dugun lelo nagusia.
Hortaz gain, bigarren lelo bat ere zabalduko dugu: “euskaltzaleon auzotik euskararen herrira”. Euskaltzaleok auzolanean eraiki duguna eta eraikitzeko duguna aldarrikatu eta euskaraz bizitzeko dugun nahia agertu dugu bigarren lelo honetan.
Euskaltzaleen mugimenduak antolatutako ekimena da, baina euskalgintza osoarekin eta euskararen alde urratsak emateko prest dauden guztiekin batera gauzatu nahi dugu. Horregatik, gonbidapena egiten dugu nahi beste lagun eta eragile hurbildu daitezen ekimenera.
INFORMAZIO GEHIAGO, HEMEN:
iruzkinik ez:
Argitaratu iruzkina